متسطح بتختك ونايم .... مطفي الضو ومتغطي باللحاف... بيجي واحد من أهلك بيفتح الباب ويقول:شو نايم ؟؟
لأ !! عم ارقص.. بس الوضع بيوحي إني نايم
*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه جيتوا ؟؟؟
لا والله لساتنا عالطريق، في عجئة!
لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،...... بيجي حدا من أهلك بيسألك:
شو رايحلك شي مشوار!!؟؟
لا والله طالع عالأسطوح صلّح الدش؟؟؟
حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه علائم الإستغراب والدهشة: بدك تحكي بالتلفون؟
لأ! أبداً !!! بس كنت عم عد أزرارو! بلكي ضاع شي واحد ؟؟؟
حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله! ... عم غير زيت للسيارة!
تطلع بالباص) وبتطلع خمس مية ليرة.... وبكل برودة بيسئلك: واحد؟!!) ...... وبتعطيها للسايق
لأ 60 واحد؟ ورجعلي الباقي
بدك تنزل من الباص ...بتقللو:عاليمين وحياتك .... بتتلقى الرد: نازل؟!!
لأ والله... بس عم جرّب صوتي!
الأحد يناير 18, 2009 3:22 pm
